ЗАТВОРЕН ЗА СООБРАЌАЈ E ПАТОТ БРЕЗНИЦА – МАКЕДОНСКИ БРОД: Ќе се асфалтира коловозот

Поради асфалтирање на патниот правец Брезница – Македонски Брод низ НП Јасен, денеска се забранува секаков вид сообраќај во период меѓу 8 и 15 часот. По завршување на работите сообраќајот ќе се одвива според стандардните термини, соопшти АМСМ.

Од 3 јули 2023 ќе започнат градежни активности со што ќе се изврши промена на режимот на сообраќај на регионалниот пат Струга – Дебар (фаза 1 асфалтирање кај с. Глобочица и фаза 2 – асфалтирање кај с. Луково) каде што ќе има целосно затворање на сообраќајот од 10 до 14 часот. Градежните активности на регионалниот пат ќе се извршуваат до 8.07.2023.

Сообраќајот на останатите државни патишта се одвива непречено, по наместа влажни коловози.

Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Share on Facebook

Tweet

Follow us

Save