Захарова: Не го споредувајте Косово со Донбас – Таму немаше референдум!

Портпаролката на Министерството за надворешни работи на Русија, Марија Захарова, апелираше Србија да не паѓа на западните споредби на косовскиот преседан и референдумот што се одржа во четирите региони кои беа припоени кон Русија.

„Не паѓајте на едноставни формулации. Западот сака да ги користи тие мемиња, клишеа, наметнати тези за сопствена манипулација“, одговори Захарова, на прашањето дали Москва, кога ја признава независноста на ДНР, ЛНР и другите региони, се води од косовскиот преседан, кој подразбира еднострано признавање на територијалниот суверенитет.

Истовремено, таа апелираше да не се споредуваат овие ситуации, бидејќи на Косово и Метохија не се одржа референдум, како што беше случајот со новите руски ентитети.

Кога ќе го слушнам прашањето дали косовскиот преседан служи како преседан за референдуми во Донбас и слично, сакам да ве потсетам дека на Косово немаше референдум за тоа прашање. На Косово немаше референдум, а што се однесува до Крим, Доњецк и Луганск – таму се одржаа“, потсети Захарова, пренесува Спутник.

Референдумот за присоединување кон Русија се одржа од 23 до 27 септември во Доњецката и Луганската народна република, како и во областите Керсон и Запорожје. Според резултатите од пребројувањето на гласовите, огромното мнозинство од жителите на овие региони гласале за приклучување кон Русија.

Share on Facebook

Tweet

Follow us

Save