“За влакно” избегнато српско “Смилковско езеро”: Деветмина млади српски државјани биле нападнати со оружје во Косово – има повредени

Група од девет српски девојки и момчиња вчера попладне беа нападнати во близина на Грачаничкото езеро, кога двајца млади Албанци на мотори пукаа во нивна насока, кои потоа беа ранети со огнено оружје од полицаец кој случајно се нашол на местото, дознава Косово Онлајн.

Косовската полиција вчера ја објави веста дека во попладневните часови од огнено оружје се ранети две лица кај езерото Грачаница, а потоа во редакцијата на Косово онлајн се јавиле неколку сведоци на овој настан.

Марко Петковиќ од Лапље Село, кој со група пријатели бил на езерото по повод прославата на 1 мај, ни раскажа дека двајца млади момчиња постојано ги гледале и неколку пати ги поминувале со мотор.

„Застанаа на неколку метри од нас. Другар кој беше со нас е Горанец по националност, работи во полиција и зборува албански. Им пријде и ги замоли да го напуштат местото бидејќи ситуацијата беше непријатна. Тие продолжија понатаму и застанаа недалеку од нашите автомобили и еден од нив почна да пука со пиштол кон нас”, изјави Петковиќ.

По пукањето повикале полиција, која, според Петковиќ, пристигнала по 40 минути со објаснување дека не можат да ги најдат и лоцираат.

„Полицијата дојде кај ранетите напаѓачи, и имаа оправдување за нас дека не можат да не најдат. Полицаецот од полициската станица во Грачаница, Србин, и беше многу непријатен додека не испрашуваше. После тоа дојдоа албанските полицајци од Приштина кои беа пријатни и ни понудија храна, вода и секаква помош“, рече Петковиќ.

Бојан Рајковиќ, еден од родителите чии деца вчера беа на езерото, изјави дека целата ситуација ќе излезеше од контрола со сериозни последици да не беше нивниот пријател, полицаец кој совесно се однесуваше за да ги заштити.

„За среќа, во друштвото бил и полицаец кој бил на пат со нив. Тој возвратил на напаѓачите и ги ранил за да ги заштити децата. Полицијата ги испрашувала децата во Приштина повеќе од пет часа. Младите мажи се во оваа постапка, а девојките се сведоци, а предметот се води против полицаец.Тоа не ми е јасно“, изјави Рајковиќ.

Според него, во текот на разговорот со полицијата, младите и девојките дознале дека младиот човек кој пукал во нив и бил добро познат на полицијата по инцидентите.

Портпаролот на полицијата Агрон Боровци за РТК2 изјави дека полицијата започнала истрага за расветлување на сите околности на настанот и дека лицата кои се здобиле со прострелни рани се на возраст од 23 и 28 години, а еден полицаец е осомничен дека пукал во нив со огнено оружје.