За влез во Грција утринава се чекаше околу еден час

На најпрометниот граничен премин на пат кон Грција, „Богородица“ – „Евзони“, утрово туристите чекаат околу еден час и исто така поминуваат низ системот EES, но не сите.

Патниците кои ја преминале границата во раните утрински часови денеска известуваат дека доцнењето на граничниот премин кон Грција било помеѓу 40 и 65 минути.

„Фотографирањето се прави главно само за оние кои сè уште не се во системот EES, другите поминуваат побрзо, обично со отпечаток од десната рака“, велат туристите кои ја преминале грчката граница.

Целосната имплементација на системот EES на шенгенските граници официјално започна на 10 април, но грчките власти, како што претходно беше најавено, се подготвени за привремена суспензија кога бројот на возила на граничниот премин е голем.

Сепак, во последните денови, важно е да се напомене дека долгите редици на најпрометниот граничен премин кон Грција, не беа само последица на примената на системот за контрола на патници EES, туку и на почетокот на сезоната, поместувањето на туристите, празниците и зголемениот сообраќај за време на викендот.

Share on Facebook

Tweet

Follow us

Save