За малку ќе го наследел 3aeв: Димитров требало да биде новиот премиер на Македонија

Вицепремиерот за европски прашања, Никола Димитров попладнево ја шокираше македонската јавност со своите обвинувања на адреса на довчерашниот колега министер за надворешни работи, Бујар Османи кој наводно бил спремен на национално предавство во преговорите со Бугарија.

Димитров открива и дека меѓународните партнери на Македонија наводно сакале тој да го наследи Зоран Заев на премиерската позиција, но коалицијата не го прифатила тоа.

-По оставката на премиерот Заев, дел од нашите меѓународни пријатели се јавија со поддршка јас да ја преземам владата. Објаснувањата поради кои ова не беше прифатено од коалицијата, кажано преку вас новинарите, е дека сум бил нереален идеалист и премногу принципиелен и не сум се разбирал од меѓупартиски пазари. За мене ова се комплименти. Ако за моите принципи нема место во македонската влада мора да им најдеме место во македонската политика и во македонското општество, рече Димитров.

Share on Facebook

Tweet

Follow us

Save