За Нетанијаху обвинувањата против него се „идиотски“

Премиерот на Израел, Бенјамин Нетанјаху, денеска по четврти пат сведочеше на судењето против него за корупција, нарекувајќи ги обвинувањата против него „идиотски“.

Нетанјаху, кој е првиот актуелен израелски лидер кој се соочува со кривично судење, е обвинет за измама, злоупотреба на доверба и примање мито во три одделни случаи.

Сведочењето првично беше закажано за вторник, но беше одложено поради, како што се наведува, „безбедносни причини“.

Вчера, Нетанјаху го посети врвот на планината Хермон, дел од сириската тампон зона што израелските сили ја освоија по падот на сирискиот претседател Башар ал Асад минатата недела. Со тоа стана првиот израелски лидер кој стапнал на територија на Сирија.

Тој треба да сведочи по шест часа дневно, три дена неделно, во наредните недели. Критичарите се прашуваат дали е способен да управува со земјата во време на војна и зголемени безбедносни закани, вклучувајќи го и Иран.

Нетанјаху изјави дека поради обврските не бил во можност внимателно да ја слуша својата сопруга Сара кога му раскажувала за нејзиниот ден и пред војната, алудирајќи на обвинувањата дека неговото семејство барало позитивно известување за него на веб-страницата „Вала“, во замена за законски олеснувања за нејзините сопственици.

Тој тврди дека не учествувал во овие барања бидејќи немал време ниту пристап до телефон за да биде запознаен со нив

Share on Facebook

Tweet

Follow us

Save