За партијата која ја “спасува” историјата татковината вреди 1 евро за метар квадратен!

Лидерот на Левица, Димитар Апасиев, на Фејсбук сподели објава на Александар Симонов, кој вели дека за локалната власт во Охрид татковината чини 1 евро за метар квадратен!.

Во продолжение објавата на Симонов:

– Советската автомобилска индустрија создава нов бренд, првиот автомобил излегува од погон, и секако на преглед кај главниот. Стаљин го гледа автомобилот, све убаво и го прашува инженерот:

– ,,Интересно, а како се вика овој автомобил?”

– ,,Родина”! (превод татковина) извикал гордо инженерот.

Стаљин го спушта лулето, погледнува во инженерот и го прашува:

– ,,Па, колку чини татковината?”, – Овој наведнал глава и не одговорил ништо.

Денес во Охрид, партијата која се ,,бори” за македонските национални интереси и ја ,,спасува” историјата од внатрешен и надворешен непријател, во градот со огромно историско значење, каде што практикува локална власт, одлучи да продаде археолошки локалитет за 1 евро квадрат!

За разлика од Советскиот инженер, кој не можел да одговори ,,колку чини татковината?”, – овие ќе можат. Ним татковината им чини 1 евро за метар квадратен!