„За Скопје со љубов“-дефиле за 77 години постоење на Црвен крст

 Денеска во 18:00 часот ќе се обележи 77 годишницата на Црвен крст со дефиле на хуманоста, слоганот гласејќи „За Скопје со љубов”. Денеска попладне ќе биде изведено дефилето на Црвен крст на град Скопје, така што ќе помине по улиците  „Кочо Рацин” и „11 Октомври” до плоштадот „Македонија”, каде што ќе има штандови и касичка за донации за Клиниката за хирургија – Ургентно одделение за набавка на наменска количка/плакар за чување и транспорт на лекови.

На дефилето предвидено е да учествуваат околу 850 вработени и волонтери во ЦК Скопје и 5-те ООЦК на Скопје, корисници на услуги на Црвен крст и соработници. Периодот кога ќе се одвива дефилето ќе надлетува мал авион со порака за организацијата.

Црвениот крст на град Скопје (ЦКГС) е основан во 1945 година и ги координира општинските организации на Црвен крст на територијата на Скопје.

Share on Facebook

Tweet

Follow us

Save