За чист Карпош: Агелер и Јакимовски бришеа антисемитски графити во Бардовци

Амбасадорката на САД Анџела Агелер и градоначалникот на Општина Карпош Стевчо Јакимовски земаа четка во раката и учествуваа во бришењето на навредливи графити по зградите во Карпош.

Во заедничка еколошка акција, Општина Карпош и Американската амбасада денеска го одбележаа Меѓународниот ден за сеќавање на холокаустот, 27 јануари.

Американската амбасада во Скопје информира дека соработува со Општина Карпош за чистење на паркот плоштад во населбата Бардовци и за отстранување антисемитски графити од ѕидовите на локална зграда. Над десетина членови на амбасадата се приклучија на иницијативата од вработен во амбасадата, за да се создаде средина ослободена од нетрпеливост и омраза.

Од Општината Карпош информираа дека и вработените од локалната самоуправа учествувале во акцијата за чистење на плоштадот во населбата Бардовци. Во оваа прилика беа отстранети и недолични графити од ѕидовите со антисемитска содржина.

Share on Facebook

Tweet

Follow us

Save