Зеленски: Блиску сме до договор со Америка

Украинскиот претседател Володимир Зеленски штотуку изјави дека документот што ги дефинира безбедносните гаранции на САД за Украина „сега е во суштина подготвен за финализирање на највисоко ниво со претседателот на Соединетите Американски Држави“.

,,Важно е Украина успешно да ги обедини напорите на европските и американските тимови и дека заедно разговаравме, меѓу другото, за документи за реконструкција и економски развој“, рече Зеленски.

Тој додаде дека биле разгледани и сложени прашања од основната рамка за завршување на војната, а украинската страна презентирала можни опции за финализирање на овој документ.

„Разбираме дека американската страна ќе стапи во контакт со Русија и очекуваме повратни информации за тоа дали агресорот е навистина подготвен да ја заврши војната. По враќањето во Киев, нашиот преговарачки тим ќе извести за сите детали од состаноците“, додаде Зеленски.

Тој исто така посочи дека Украина ќе „ги информира своите партнери за последиците од [ноќните] напади на Русија, кои очигледно не укажуваат дека Москва ги преиспитува своите приоритети“, рече Зеленски.

„Во овој контекст, потребно е притисокот врз Русија да продолжи да се зголемува со ист интензитет како и работата на нашите преговарачки тимови. Одржливоста на идните безбедносни гаранции мора да се докаже со способноста на нашите партнери да извршат ефикасен притисок врз агресорот во оваа фаза. Подготвуваме нови релевантни контакти со партнерите“, рече Зеленски.

Share on Facebook

Tweet

Follow us

Save