Зеленски: Во Украина веќе има државен јазик – украински

Украина има државен јазик – украински, изјави претседателот Володимир Зеленски како одговор на барањето на Москва рускиот јазик да стане втор официјален јазик во земјата, објавија украинските медиуми.

Коментирајќи ги тврдењата на Русија дека Крим и Донбас не се коренските причини за војната и нејзиното барање рускиот јазик да добие официјален статус, Зеленски рече: „Имаме државен јазик – украински. Русија може да каже што сака. Верувам дека овие барања се насочени исклучиво кон поставување ултиматуми и комплицирање на процесот на преговори“.

Неодамна, рускиот министер за надворешни работи Сергеј Лавров изјави дека долгорочен договор за завршување на војната во Украина би бил невозможен доколку Киев не ги земе предвид руските интереси во областа на безбедноста и правата на „рускојазичното население“.

Украинската комесарка за заштита на државниот јазик Олена Ивановска одговори дека барањата на рускиот претседател Владимир Путин да му се додели официјален статус на рускиот јазик и да се легитимира Московската патријаршија се неприфатливи.

Share on Facebook

Tweet

Follow us

Save