INFOMAX.MK

Руските трупи ги концентрираа своите главни ударни сили во правец на градот Покровск во регионот Донецк во Украина, каде што продолжуваат жестоките борби на територијата на градот, изјави украинскиот претседател Володимир Зеленски.

„Разговарав со војската – посебно внимание се посветува на Покровск, како и на соседните области“, рече Зеленски во видео обраќање, објави Укринформ.

Тој истакна дека токму таму моментално се наоѓаат најголемиот број руски ударни сили и значајна офанзивна активност.

„Борбите продолжуваат во градот: ова е нивната главна цел – самиот Покровск. И секој резултат на нашите сили во оваа насока е резултат за цела Украина, за целата одбрана на нашата држава“, нагласи Зеленски, објави Танјуг.

Во текот на вчерашниот ден се случија 101 борбени судири меѓу украинските одбранбени сили и руските трупи, борбите продолжуваат на шест фронтовски линии, при што руските сили најактивно напаѓаат во Костјантинивска и Покровска, а исто така покажуваат зголемена активност во Александровск, според Укринформ.