Зеленски: Контролираме 1.250 квадратни километри во Русија, сакаме уште повеќе во длабочина

Претседателот на Украина – Володимир Зеленски изјави дека украинските сили контролираат повеќе од 1.250 квадратни километри и 92 населени места во руската област Курск.

Тој ги повика сојузниците на Украина да дозволат западното оружје да нападне длабоко во Русија, велејќи дека недостатокот на таа дозвола е главната причина што Украина не може да го запре напредувањето на московските трупи на линијата на фронтот на исток.

„Наивниот, илузорен концепт на таканаречените црвени линии кон Русија, кои доминираа во оценката на војната од страна на некои партнери, деновиве се распадна некаде кај Суја“, рече тој во обраќањето до амбасадорите, мислејќи на пограничниот град во руската област Курск, која моментно е под контрола на Украина.

Share on Facebook

Tweet

Follow us

Save