Зеленски: Најмалку 46.000 украински војници убиени во руската инвазија

Украинскиот претседател Володимир Зеленски рече дека повеќе од 46.000 украински војници се убиени од почетокот на инвазијата на Русија во февруари 2022 година, а „уште десетици илјади се исчезнати во акција или се во заробеништво“.

Исчезнатите во акција може да се мртви или во заробеништво, изјави Зеленски за Ен-би-си њуз во неделата.

Десет дена претходно, на 6 февруари, Зеленски рече дека 45.100 украински војници биле убиени, а околу 390.000 биле ранети. Воените експерти во Украина и на Запад веруваат дека бројот може да биде многу поголем.

Зеленски, исто така, рече дека 19.500 украински деца се депортирани во Русија во склоп на руската политика за присилна депортација на деца.

Русија не ги објавува загубите на бојното поле, а британските разузнавачи во декември проценија дека просечно 1.523 руски војници се убиени и ранети секој ден.

Зеленски вели дека до 350.000 руски војници се убиени – други извештаи сугерираат дека тој број може да биде многу поголем.

Share on Facebook

Tweet

Follow us

Save