Зеленски: Не сме спремни за прекин на огнот со Русија

Украинскиот претседател Володимир Зеленски изјави дека Киев не е подготвен за прекин на огнот и не планира да ја стабилизира ситуацијата за да ја „смири Русија“.

„Таму каде што сме, не сме подготвени за прекин на огнот. Објаснивме дека нема да има Минск-3. Затоа, државата Украина нема да се занимава со стабилизирање на ситуацијата каде што сега се наоѓаат војниците, за некако да ја смири Руската Федерација“, рече Зеленски.

Зеленски додаде дека властите во Киев сакаат да се постигне „многу“ пред почетокот на зимата.

Претходно, Зеленски изјави дека доколку во Доњецката Народна Република се одржи меѓународен трибунал за украинската армија, тогаш преговорите меѓу Украина и Русија ќе бидат невозможни. Претседателот на ДНР Денис Пушилин рече дека нема да го одложи Меѓународниот трибунал за воени злосторници. Тој исто така спомна дека Министерството за надворешни работи на ДНР работи на привлекување претставници на меѓународната заедница да учествуваат во Трибуналот.

Share on Facebook

Tweet

Follow us

Save