Зеленски предупреди: Русија нема намера да запре со Украина, на мета е цела Европа

Претседателот на Украина, Володимир Зеленски изјави дека мета на руската агресија е цела Европа и дека запирањето на инвазијата врз Украина е од суштинско значење за безбедноста на сите демократии.

Тој во своето обраќање истакна дека Русија нема намера агресијата да ја ограничи само на Украина, туку „целиот европски проект е мета на Русија“.

– Затоа не е само морална обврска на сите демократии, на сите сили на Европа, да ја поддржат желбата на Украина за мир. Ова е всушност одбранбена стратегија за секоја цивилизирана земја, нагласи Зеленски во обраќањето до јавноста откако Украинците продолжија да бегаат од источните делови на земјата.

Тој уште еднаш повика на ембарго на рускиот гас и нафта, што ги нарече извори на руската „самодоверба и неказнивост“.

– Слободата нема време за чекање. Кога тиранијата ќе започне агресија против сè што го штити мирот во Европа, тогаш мора итно да се преземат акции, порача претседателот на Украина.

Share on Facebook

Tweet

Follow us

Save