Зеленски пристигна на самитот на НАТО во Вилнус

Украинскиот претседател Володимир Зеленски пристигна во Литванија за прв пат од почетокот на големата руска инвазија.

Зеленски во понеделникот вечерта потврди дека ќе присуствува на самитот на НАТО во Вилнус на 11 и 12 јули. Тој пристигна во Литванија со полскиот претседателски авион.

Поддршката за Украина и можното членство на земјата во алијансата се некои од главните теми на Самитот на НАТО во Вилнус.

Пред да замине за Вилнус, Зеленски на социјалните мрежи напиша дека НАТО разговара за формулацијата на поканата на Украина за алијансата без Украинци и рече дека тоа е „без преседан и апсурдно“.

Украинскиот претседател ќе присуствува на билатерални состаноци на различни нивоа во Вилнус, вклучувајќи состаноци со претставници на европските земји, САД, Канада и Јапонија.

Share on Facebook

Tweet

Follow us

Save