Зеленски: Санкциите од САД кон Русија не се доволни, потребни нѝ се ракети со долг дострел

Украинскиот претседател Володомир Зеленски за „Аксиос“ изјави дека новите американски санкции кон Русија ќе предизвикаат сериозна штета на руската воена машинерија, но и дека дополнително на Украина и се потребни ракети со долг дострел,со цел да го натера Путин да се согласи на мир.

„Претседателот Трамп е загрижен за ескалација. Но, ако нема преговори ескалацијата ќе се случи секако. Ако Путин не запре, мора да биде сопрен со нешто. Санкциите се едно такво оружје, но ни требаат и ракети со долг дострел“, рече Зеленски.

На состанокот во Белата куќа на 17 октомври, Трамп го отфрли барање на Украина за ракети „Томахавк“, а потоа го откажа самитот со Путин и воведе санкции кон Русија, за првпат во овој мандат.

На состанокот во Вашингтон, кој тој го опиша како „конструктивен, но во никој случај лесен“, Зеленски и Трамп разговараа за можен мировен план и потребата на Украина од ракети со долг дострел.

Share on Facebook

Tweet

Follow us

Save