Зеленски: Светот има способност да помогне во соборувањето на секој руски проектил

Претседателот на Украина, Володимир Зеленски, денеска изјави дека светот ги има сите можности да помогне во соборувањето на секоја ракета и секое беспилотно летало на руските сили.

„Триесет и четири руски ракети оваа ноќ. Некои од нив беа соборени. Но, светот ја има секоја можност да помогне во соборувањето на секој проектил и секој беспилотно летало на руските терористи. Ова е апсолутно реално. А единствено што е потребно е неопходните политички одлуки и договори да станат реалност“, напиша Зеленски на Фејсбук.

Според него, тоа се системи за противвоздушна одбрана за Украина, доволно количество и квалитет на оружје за фронтот, како и ажурност во снабдувањето и определување на дејствијата.

„Теророт секогаш мора да губи, а секој што ни помага да се спротивставиме на рускиот терор е вистински бранител на животот“, нагласи Зеленски.

Тој повтори дека Украина е благодарна на Соединетите Американски Држави и другите партнери за нивната поддршка.

Руските сили синоќа извршија комбиниран напад врз Украина со проектили од различен тип. Украинската воздушна одбрана уништи 21 проектил од 34 лансирани.

Share on Facebook

Tweet

Follow us

Save