Зеленски следната недела ќе земе учество преку видео линк на Светскиот економски форум

Украинскиот претседател Володимир Зеленски следната недела ќе земе учество преку видео линк на Светскиот економски форум (СЕФ) во Давос, кога е планирано да има „специјално обраќање до учесниците“.

Тој ќе има онлајн средби и со извршните директори на компаниите кои учествуваат на форумот, изјави претседателот на СЕФ, Борге Бренде, пренесе Гардијан.

-Тоа се должи на најкомплицираната геополитичка и геоекономска ситуација во последните децении, рече Бренде.

Темата на годинашниот форум, што ќе се одржи меѓу 15 и 19 јануари на швајцарските Алпи, е „Обнова на довербата“, а друга важна тема ќе биде војната во Украина.

На форумот ќе присуствуваат бројни светски лидери и високи политичари, меѓу кои и израелскиот претседател Исак Херцог, новоизбраниот аргентински претседател Хавиер Милеј, францускиот претседател Емануел Макрон и американскиот државен секретар Ентони Блинкен.

Share on Facebook

Tweet

Follow us

Save