Зеленски: Украина не е подготвена да се повлече од регионот Донецк, САД бараат компромис

Украина не е подготвена да се повлече од регионот Донецк, додека Русија бара целосно преземање на Донбас, изјави денеска украинскиот претседател Володимир Зеленски, истакнувајќи дека САД во моментов бараат компромисно решение.

„Сите ја знаеме позицијата на Русија. Тие сакаат да го заземат целиот Донбас, а сега бараат да се повлечеме од Донбас. Ова е нивниот отворен став. Нашиот став е исто така отворен – не сме подготвени за такви чекори, додека САД бараат компромис“, рече Зеленски како одговор на прашања од новинарите.

Зборувајќи за разговорите за мировниот план од 20 точки и безбедносните гаранции, Зеленски рече дека украинските и американските преговарачки тимови ќе одржат серија состаноци во САД утре и в сабота.

Според него, темите на разговорите ќе вклучуваат мировен план, безбедносни гаранции, договор за обнова на Украина и други можни чекори. Тој додаде дека украинскиот тим веќе е на пат кон Соединетите Американски Држави и дека американската страна очекува нивно пристигнување, а можно е и присуство на европски претставници.

Зеленски претходно изјави дека следната рунда украинско-американски преговори ќе се одржи во Соединетите Американски Држави по консултациите меѓу Вашингтон и Москва, наведувајќи дека средбите би можеле да се одржат уште викендот.

Share on Facebook

Tweet

Follow us

Save