Зеленски условува: Враќањето на суверенитетот е главнa точка за крајот на војната

Украинскиот претседател Володимир Зеленски истакна дека Украина нема да направи никакви отстапки за Русија со цел да се постигне прекин на огнот. Коментарите на украинскиот претседател следуваат по извештајот на Ен-би-си за приватните разговори меѓу САД и ЕУ со Киев за мировните преговори со Русија и интервјуто во кое главниот командант на вооружените сили на Украина, генерал Валериј Залужни, изјави за „Економист“ дека војната е во застој.

Зеленски оттогаш ја отфрли позицијата на генералот и ги негира извештаите дека Украина е под притисок за воени разговори. Киев тврди дека неговите цели се да ги истисне руските трупи од целата окупирана територија и да го врати Крим, полуостров што Русија го зазеде во 2014 година.

Украинскиот претседател повтори дека главен услов за завршување на војната е „враќање на територијалниот интегритет, правата и слободата на граѓаните“. „Втората фаза од војната е враќање на правдата“, рече тој.

„Враќањето на суверенитетот е клучен принцип за завршување на војната“, рече тој. „Меѓутоа, Русија во моментот, едноставно, не го сака тоа и го замислува светот на свој начин“, им рече Зеленски на студентите на Универзитетот „Анахуак Керетаро“.

Украинскиот лидер рече дека не им држи лутина на оние што повикуваат на примирје, но повтори дека Путин нема да застане на Украина и дека „луѓето во светот мора да разберат дека Украина нема да биде последната цел на Русија“.

Share on Facebook

Tweet

Follow us

Save