Зеленски утре ќе се обрати пред пратениците во албанскиот Парламент

Претседателот на Украина, Володимир Зеленски, утре преку видеопорака ќе се обрати пред албанските народни избраници.

За обраќањето на Зеленски е закажа посебна пленарна седница и даден е налог на службите да ги преземат сите неопходни мерки и активности.

Украинскиот претседател во изминатите недели со видео пораки се обрати во парламентите на повеќе европски земји.

Албанија, како сојузник во НАТО, застана на страната на Украина, осудувајќи ја руската агресија и наметна санкции кон Русија. Кај нашиот западен сосед до сега пристигнати се околу 400 украински бегалци, меѓу кои и поголема група млади атлетичари. На сите им е дадена привремена заштита, според целосните законски одредби за азил.

Со посебна одлука на Владата, украинските државјани имаат право да влезат и да останат една година во Албанија без дозвола за престој.

Share on Facebook

Tweet

Follow us

Save