INFOMAX.MK

Украинскиот претседател Володимир Зеленски денеска ќе престојува во Вашингтон, каде ќе се сретне со американскиот колега Џо Бајден и ќе одржи говор во Конгресот, пренесоа светските агенции. Информацијата ја потврдија Белата куќа и самиот Зеленски на Твитер. Ова ќе биде прва посета на Зеленски во странство од почетокот на руската инвазија. Тој ќе остане во САД неколку часа.

Зеленски во Вашингтон ќе разговара со Бајден, кој ќе најави дополнителна безбедносна помош за Киев од милијарда и 800 милиони долари, пренесува Си-Ен-Ен. Се очекува да бидат вклучени ракетните системи Патриот.

On my way to the US to strengthen resilience and defense capabilities of 🇺🇦. In particular, @POTUS and I will discuss cooperation between 🇺🇦 and 🇺🇸. I will also have a speech at the Congress and a number of bilateral meetings.
— Володимир Зеленський (@ZelenskyyUa) December 21, 2022

„Се надевам дека вашиот лет ќе помине добро, Володимир. Многу ми е мило што те запознав. Имаме многу да разговараме“, напиша Бајден на Твитер неколку часа пред средбата.

Според извори на Политико, украинската делегација ќе се обиде да добие и тактички балистички ракети ATACMS, кои имаат дострел од 300 километри, како и ударни и извидувачки беспилотни летала Grey Eagle и Reaper.

Од почетокот на руската инвазија, САД испратија воена помош за украинската земја во износ од околу 20 милијарди долари Светската банка одобри нов пакет дополнително финансирање за Киев од 610 милиони долари.

Во меѓувреме, во специјалното обраќање на „Фејсбук“, врховниот командант на украинската армија Валериј Залужни го поддржа предлог-законот кој предвидува построги казни за војската за дезертерство или непочитување на наредбите.