„Зомби опиум“: Фентанил, најопасната дрога во светот, пристигна во Европа

Најопасната дрога на светот, фентанил, пристигна во Европа – предупредуваат експертите за криминал.

Фентанил или лекот „зомби“ предизвикува ступор, низок крвен притисок, респираторни проблеми, болки во коските, рани на кожата, па дури и смрт кај корисниците.

Таа дрога веќе ја опустоши Америка од која доаѓаат предупредувања за голема опасност што и се заканува на Европа, пренесуваат информативните портали.

Фентанил е синтетички опиум, кој во медицината се користи за ублажување на болки повеќе од четири децении, но само со лекарски рецепт.

Експертите предупредуваат дека фентанилот е „сто пати посилен од морфинот или 50 пати посилен од хероинот“.

Во Америка се започна прво со лекови против болки на рецепт, потоа дојде мексиканскиот хероин, а потоа, се разбира, реагираше и пазарот, па дојде до „поплава“ од фентанил.

Еден грам фентанил може да направи од 500 до 600 дози за просечен корисник – и тука доаѓа проблемот.

Десет грама фентанил е многу лесно за шверц, а од десет грама можете да направите илјадници дози – објаснуваат експертите.

Според нив, фентанил е најсмртоносната и моментално најсмртоносната дрога на улица.

Како противотров на фентанил, стручњаците го подготвуваат лекот „налоксон“, кој се дава во случај на сомневање за предозирање.

Повеќе од 100.000 Американци починале минатата година поради зависност од синтетички дроги, главно фентанил, пишуваат порталите.

Share on Facebook

Tweet

Follow us

Save