Ибрахимовиќ му одговори на Роналдо: Не трошам време, бадијала ќе зборувам…

Златан Ибрахимовиќ ја прокоментира изјавата на Кристијано Роналдо дека саудиската лига е подобра од француската Лига 1 и рече дека Португалецот нема никакви аргументи за изнесеното.

Јавноста ја прими изјавата на Роналдо со потсмев, а со сличен став е Ибрахимовиќ, кој вели дека француската лига сосема заслужено спаѓа во најквалитетните светски натпреварувања.

„Немам што да коментирам многу. Можам само да кажам дека чудно е да зборувате такво нешто кога немате никакви аргументи и докази. Целата историја, традиција и квалитет е на страната на Франција.

Во моментов мислам дека само Англија и Шпанија имаат посилна лига, но тука е секако и Италија. Да зборувате дека саудиската лига е посилна е навистина смешно и не треба да губиме време на тоа“, рече Ибрахимовиќ.

Швеѓанецот мина дел од кариерата во францускиот ПСЖ и не случајно застана во одбрана на лигата, додека коментарите на Роналдо, очигледно, на моменти не се граничат со реалноста.

Share on Facebook

Tweet

Follow us

Save