Ивановска: Нема основа за отворање случај во ДКСК против премиерот Ковачевски за аферата “Броило”

Претседателката на Антикорупциската комисија, Билјана Ивановска денеска информираше дека ДКСК нема основа за отворање случај против премиерот Димитар Ковачевски за случајот „Броило“. Ивановска во изјава за МКД.мк вели дека премиерот во својот анкетен лист уредно пријавил сѐ што поседува.

-Од податоците во анкетниот лист имаме сознанија дека тој не учествува во управувањето, а ги продал и сопственичките удели во фирмата. Оттука нема основ за покренување постапка за утврдување судир на интереси. Согласно Законот за спречување корупција и судир на интереси функционерот кога стапува на функција управувањето на фирмата треба да му го довери на друго лице кое не е член на неговото семејство, изјавила Ивановска.

Опозициската ВМРО-ДПМНЕ излезе со детали и обвинувања со аферата против премиерот Димитар Ковачевски што самите ја нарекоа „Броило“, а во која тврдат дека премиерот и неговиот кум преку две фирми станале доминантни во енергетскиот бизнис во земјава и „вртат милионски суми“, од кои дел се од државни тендери.

Share on Facebook

Tweet

Follow us

Save