Изборниот материјал во Албанија ќе биде и на македонски јазик

Изборниот материјал за парламентарните избори во Албанија, што ќе се одржат на пролет в година, ќе биде и на македонски јазик, како и на јазиците на останатите осум малцинства, признати со законот од 2017 година, сооопшти претседателот на Централната изборна комисија Илирјан Целибаши на средба со претставниците на националните малцинства.

– На средбата со националните малцинства истакнав дека изборните материјали ќе бидат преведени на мајчин јазик, за деветте национални малцинства – порача Целибаши.

Единаесеттитте парламентарни избори во Албанија по соборувањето на тоталитарниот режим ќе се одржат на пролет, во последната недела од април или првата од мај. Датумот треба да го одреди шефот на државата Бајрам Бегај, кој во средата ги почна средбите со политичките партии.

Share on Facebook

Tweet

Follow us

Save