ИЗМАМЕНА ЖЕНА ОД КОЧАНИ: Личната карта и била злоупотребена за подигнување брзи кредити!

Четириесет и четиригодишна жена од Кочани со живеалиште во Пробиштип вчера во ОВР Пробиштип пријавила дека нејзината лична карта била злоупотребена за подигнување брзи кредити.

Според пријавеното, на Фејсбук таа ја објавила својата трансакциска сметка за уплата на донација за лекување на член на фамилијата, по што извесно лице ѝ пратило порака на социјалната мрежа во која ѝ побарало личната карта за да направи донација. По кратко време на сметката ѝ биле исплатени 70.000 денари од две финансиски друштва.

Веднаш потоа на жената ѝ се јавило машко лице кое, претставувајќи се како сопственик на фирма, ја известило дека наводно по грешка ѝ била извршена уплата на нејзината сметка. Лицето побарало парите да му ги врати, испраќајќи ги по такси возило во Скопје. Таа се посомневала дека е измамена и случајот го пријавила во полиција.

Во координација со јавен обвинител се преземаат мерки за негово расчистување, информираат од МВР.

Share on Facebook

Tweet

Follow us

Save