Израелската армија тврди дека го убила командантот на Хамас одговорен за напади на кибуци

Израелската војска соопшти дека го убила командантот на Хамас Нисам Абу Аџина во воздушен напад синоќа во северниот дел на Појасот Газа.

Абу Аџина, тврди војската, бил одговорен за командување со екстремистите на Хамас кои извршија смртоносни напади на два кибуци во јужен Израел на 7 октомври.

Тој претходно командувал со воздухопловните сили и работел на развој на беспилотни летала и параглајдери користени за време на тие невидени ненадејни напади.

Тој бил убиен во воздушен напад по дојава на израелската безбедносна служба Шин Бет и одделот за воено разузнавање, јавуваат израелските медиуми.

„Неговата елиминација претставува значаен удар врз напорите на терористичката организација Хамас да ги попречи копнените операции на ИДФ (Израелските одбранбени сили) во Појасот Газа“, соопшти армијата.

Share on Facebook

Tweet

Follow us

Save