Израелскиот премиер најави план за евакуација на Палестинците од градот Рафа

Бенјамин Нетанјаху премиерот на Израел изјави дека наскоро ќе го одобри планот за евакуација на цивилното население од воената зона.

Премиерот Нетанјаху два дена по разговорот со американскиот претседател Џо Бајден, рече дека ја цени неговата поддршка ни дека американскиот претседател побарал од него да претстави предлози за хуманитарна помош и други аспекти од војната.

Израелскиот лидер потсети дека веќе е одобрен оперативниот план за офанзивата во Рафа.

„Додека се подготвуваме да влеземе во Рафа, за што ќе биде потребно извесно време, продолжуваме да дејствуваме со сите сили. Продолжуваме да дејствуваме во Кан Јунис, во централните кампови, за да ги елиминираме и заробиме високите функционери на Хамас, како што направивме во болницата Ал Шифа додека елиминиравме стотици терористи“, рече Нетанјаху.

Според израелските медиуми, Нетанјаху не се откажува од копнената офанзива во Рафа, каде што повеќе од половина од двомилионското население на Газа се засолни од конфликтот во други области, а Бајден го предупредува дека мора да ги заштити цивилите.

Share on Facebook

Tweet

Follow us

Save