Израелски политичар ја повтори скандалозната изјава: „Нема невини во Газа“

Политичар од Израел изјави дека Газа треба да се запали. Израелскиот политичар и заменик претседател на парламентот (Кнесет), Нисим Ватури, денеска го повтори својот повик да се запали Газа, отворено кажувајќи дека „таму нема невини“.

Ватури во ноември лани изјави дека Израел не смее да направи „ништо помалку од тоа да ја запали цела Газа“ и „да ја уништи“, додавајќи дека „Газа е Хамас“.

Денеска, за радиото „Хакол Барамах“, овој екстремен еврејски политичар изјави дека не се кае за своите зборови и дека стои на нив, додавајќи дека „подобро е да се запалат зградите отколку да се повредуваат војници“.

Алудирајќи на Палестинците кои останаа на северот на Газа, Ватури денеска кажа дека ги има стотици и дека тој за нив нема милост.

„Потребно е да ги елиминираме“, рече израелскиот политичар. 

Хамас на 7 октомври лани почна со напади на Израел, со барање за формирање независна држава Палестина со главен град Ерусалим. 

Share on Facebook

Tweet

Follow us

Save