Израел: Хамас купува ПР поени со ослободувањето на двајцата заложници

Во пораката испратена до израелските новинари во име на „дипломатски извор“ Хамас се обвинува дека ги имитира нацистите во обидот да добие ПР поени со ослободувањето на двајца повозрасни израелски заложници.

„Како што нацистите правеа инженерски и организирани тури до Црвениот крст на „чист“ концентрационен логор, за да го измамат светот и да се претстават себеси како хумани, така и Хамас, додека касапат бебиња, силуваат жени и пукаат во деца, се обидуваат да се претстават како хумани со ослободување на некои заложници“, се вели во владиното соопштение, повикувајќи се на Терезиенштад.

„Светот не може да ја купи пропагандата на Хамас. Хамас е полош од Исламска држава. Хамас е новите нацисти“, се вели во соопштението.

Share on Facebook

Tweet

Follow us

Save