Илјадници грчки полицајци и медицински персонал се во карантин

Грчките болници се соочуваат со сериозни проблеми и недостиг на персонал. Претседателот на федерацијата на вработени во државните болници Михаилис Јанакос изјави дека околу 2.500 здравствени работници се во карантин поради зараза со Ковид-19. Тој објасни дека поголемиот дел од заболените здравствени работници се од болниците во Атина и околината.

Јанакос побара да се променат упатствата на Националната организација за јавно здравје и задолжителниот карантин за заразените да се зголеми од пет на десет дена.

Министерството за здравство пред два дена соопшти дека поради брзото ширење на Омикрон, зголемен е притисокот врз здравствениот систем и ќе започне мобилизација на приватни лекари за да помогнат во битката со Ковид-19.

Грчките медиуми јавуваат дека освен голем број здравствени работници во карантин се и голем број полицајци, околу 2.000 лица.

Share on Facebook

Tweet

Follow us

Save