Индискиот премиер го посети Путин – Зеленски: Ова е големо разочарување
Украинскиот претседател Володимир Зеленски ја критикуваше вчерашната посета на неговиот индиски колега на Москва.
Тоа е „големо разочарување и катастрофален удар за мировните напори“, рече Зеленски на денот кога руската ракета падна врз детската болница во Киев.
Индискиот премиер Нарендра Моди вчера се сретна со рускиот претседател Владимир Путин во неговата резиденција во близина на Москва, додека на оддалеченост од 900 километри руски ракети паѓаа врз Украина. Во утринскиот напад загинаа најмалку 37 лица, а 170 беа повредени.
Дводневното патување на Моди е негова прва посета на Русија од почетокот на војната.
„Водачот на најголемата демократија го прегрнува најкрвавиот криминалец“
„Големо разочарување и поразителен удар за мировните напори е да се види како лидерот на најголемата светска демократија го прегрнува најкрвавиот криминалец во светот во Москва на таков ден“, напиша Зеленски на X.
Еден од проектилите падна врз најголемиот медицински центар за деца во Украина, болница која беше клучна во грижата за некои од најболните деца во земјата.
Руското Министерство за одбрана тврди дека нападнале „воени индустриски објекти на Украина и воздухопловни бази на украинските вооружени сили“ со оружје со долг дострел и висока прецизност. Министерството, исто така, тврди дека фотографиите и снимките од експлозијата во болницата потврдиле дека штетата била предизвикана од украински проектил за воздушна одбрана, но не објави докази за ова тврдење.
„Консолидација на пријателските врски меѓу Индија и Русија“
Во меѓувреме, во близина на руската престолнина, Моди му се заблагодари на Путин што го угости во неговата резиденција. „Исто така, со нетрпение ги очекувам нашите утрешни разговори, кои секако ќе придонесат многу за понатамошно зајакнување на пријателските врски меѓу Индија и Русија“, рече Моди.
Патувањето е знак дека Њу Делхи и Москва остануваат блиски и покрај зголемената зависност на Русија од Кина.
Индија има долгогодишни врски со Москва. Го зголеми купувањето на руска сурова нафта по намалени цени, што ѝ олесни на Русија да се справи со последиците од западните санкции.
ПОВРЗАНИ ВЕСТИ
Ахмети: Македонските, албанските и српските криминалци соработуваат,…
Криминалот не познава етнички граници, додека политичарите…
ПРЕКИН НА КЛУЧЕН ПОДМОРСКИ ИНТЕРНЕТ-КАБЕЛ: Пакистан се…
Сериозни нарушувања во интернет-комуникациите се пријавени во…
Се запалиле бандери за електрична енергија во…
Скопските пожарникари вечерва имале полни раце работа.…
Горело патничко возило, ЦУК се огласи за…
Пожар избувнал вечерва во подземниот паркинг на…
ГОЛЕМ ПРЕКИН НА ИНТЕРНЕТОТ ВО ШВАЈЦАРИЈА: Проблеми…
Голем прекин на интернет-услугите вечерва, 18 ноември,…