Иранска терористичка мрежа врбува млади за убиства низ Европа

Мрежата Фокстрот е организирана криминална група поврзана со иранскиот режим, која стана позната по своите тактики „насилство како услуга“.

Од 2022 година, се верува дека мрежата е одговорна за околу 35 убиства, како и за голем број напади и обиди за напади врз израелски цели во Европа, вклучувајќи два со експлозиви и рачни гранати, објави Би-Би-Си.

Организацијата регрутира тинејџери за извршување на нападите во замена за пари, но речиси никогаш не мора да плати, бидејќи често се фаќаат. Јоханес Натланд, норвешки тинејџер кој беше осуден за заговор за убиство во Лондон – за планирано убиство во Западен Јоркшир – работеше за неа.

Според работната група на Европол формирана за справување со проблемот – OTF GRIMM, младите убијци се регрутираат на социјалните медиуми и ги добиваат своите инструкции на „гамифициран“ начин, имитирајќи компјутерски игри. Енди Краг, раководител на Европскиот центар за сериозен и организиран криминал на Европол, го нарекува „пресметливо вработување на ранливи млади луѓе за убивање“.

OTF GRIMM моментално вклучува 11 земји погодени од влијанието на Фокстрот – Белгија, Данска, Финска, Франција, Германија, Исланд, Холандија, Норвешка, Шпанија, Шведска и Велика Британија. Водачот на мрежата, Рава Маџид, прво избегал од Шведска во Турција, а сега е сместен во иранската престолнина Техеран. Полицијата верува дека некои од нападите на групата биле извршени за иранскиот режим, вклучувајќи го и нападот со рачна граната врз израелската амбасада во Копенхаген, но други се дел од војната на Фокстрот против дрогата.

Share on Facebook

Tweet

Follow us

Save