Иранскиот претседател: Техеран и Москва можат да ги зајакнат врските и да се спротивстават на американските санкции

Техеран и Москва можат да вложат напори да се спротивстават на санкциите наметнати на Иран и Русија, изјави иранскиот претседател Масуд Пезешкијан.

„Можеме да вложиме напори да се спротивставиме на санкциите наметнати на нашите земји“, рече тој за време на разговорот со рускиот премиер Михаил Мишустин.

Според иранскиот лидер, Соединетите Американски Држави сакаат различни земји да скршнат од нивниот пат, а Русија, Иран, Кина, како и земјите од БРИКС, Шангајската организација за соработка (ШСО) и Евроазиската економска унија (ЕАЕС) можат се спротивстави на ова.

Од своја страна, Мишустин посочи дека се очекува Пезешкијан во Москва да потпише договор за сеопфатна стратешка соработка меѓу двете земји, соопшти прес-службата на иранскиот лидер.

Претходно Мишустин беше во официјална посета на Иран – на средбата со потпретседателот на таа земја Мухамед Реза Ареф рече дека Москва е заинтересирана соработката со Иран да ја подигне на повисоко ниво.

Share on Facebook

Tweet

Follow us

Save