Иран би можел до 10 атомски бомби за три до шест месеци – најнови проценки на американските разузнавачи

Временската рамка за Иран за изработка на нуклеарно оружје е непроменета од минатото лето, покажуваат најновите американски разузнавачки податоци, наведуваат три извори запознати со случајот за „Ројтерс“.

Проценките за нуклеарната програма на Техеран остануваат главно непроменети и по два месеца од војната што ја почна американскиот претседател Доналд Трамп. Заедничките напади на САД и на Израел од 28 февруари беа насочени главно кон конвенционални воени цели, иако Израелците гаѓаа и низа нуклеарни постројки.

Според проценките на Меѓународната агенција за атосмака енергија, вкупните залихи на високо збогатен ураниум на Иран би биле доволни за изработка до 10 атомски бомби, доколку дополнително би се збогатиле. Според проценките, пак, на американските разузнавачки агенции, Иран би можел да произведе доволно материјал за нуклеарна бомба во рок од три до шест месеци.

Непроменетата временска рамка сугерира дека посериозно забавување на иранската нуклеарна програма бараше уништување или отстранување на преостанатите залихи на високо збогатен ураниум.

Војната на Блискиот Исток моментно е во прекин по примирјето што го постигнаа САД и Иран на 7 април, со цел продолжување на мировните преговори. Но, тензиите и натаму се високи. Иран го ограничува поморскиот сообраќај низ Ормускиот Теснец, со што се блокирани 20 отсто од светските испораки на нафта и предизвикана е глобална енергетска криза.

Share on Facebook

Tweet

Follow us

Save