Иран се закани со напад врз американскиот носач на авиони „Абрахам Линколн“

Командантот на морнарицата на Иран, адмирал Шахрам Ирани, изјави дека американскиот носач на авиони „Абрахам Линколн“ ќе биде нападнат секогаш кога ќе се најде во дострелот на иранските ракети.

– Веднаш штом ударната група на носачот „Абрахам Линколн“ ќе влезе во нашиот дострел, ќе се одмаздиме за крвта на мачениците од фрегатата „Дена“ со истрелување на различни видови противбродски ракети, предупреди Ирани.

Фрегатата „Дена“ беше потоната од страна на САД на 4 март, што дополнително ги заостри тензиите во регионот. Иранската морнарица претходно соопшти дека веќе извршила гранатирање со крстосувачки ракети во близина на американскиот носач. Овие воени активности дополнително ја комплицираат безбедносната состојба во стратешките зони, вклучително и во клучната Ормуска Теснина.

Share on Facebook

Tweet

Follow us

Save