Исламски џихад објави видео на кое се гледаат двајца израелски заложници

Палестинската милитантна група Исламски џихад денеска на социјалните мрежи објави пропагандни видеа на кои се гледаат двајца израелски заложници во Појасот Газа.

На едното видео се гледа постара жена, а на другото момче, па израелските медиуми јавуваат дека се работи за Хана Кацир (77) и Јагил Јаков (13), двајцата киднапирани од Кибуц Нир Оз на 7 октомври годинава.

Двајцата зборуваат на хебрејски на видеата и го обвинуваат израелскиот премиер Бенјамин Нетанјаху дека ја предизвикал ситуацијата што доведе до почетокот на војната меѓу Хамас и Израел.

Според Тајмс оф Израел, ова е првпат Исламски џихад да објави снимка од заложниците што ги држи.

Речиси е сигурно дека содржината на ова и на други слични видеа е диктирана од киднаперите, наведува порталот и оценува дека станува збор за обиди за психолошка војна.

Ројтерс објави дека вооруженото крило на Исламскиот џихад соопшти дека наскоро ќе ги ослободи жената и момчето од „хуманитарни и медицински причини“ штом „се исполнат соодветните мерки“.

https://twitter.com/ISRAEL_Channel/status/1722661533828661676?ref_src=twsrc%5Etfw%7Ctwcamp%5Etweetembed%7Ctwterm%5E1722661533828661676%7Ctwgr%5E9e097478cb17f82e6941d148493a583a80800b50%7Ctwcon%5Es1_&ref_url=https%3A%2F%2Fkurir.mk%2Fvesti%2Fsvet%2Fislamski-dzihad-objavi-video-na-koe-se-gledaat-dvajca-izraelski-zalozhnici%2F

Share on Facebook

Tweet

Follow us

Save