Исплатливо обвинение: Трамп за неколку дена собрал речиси седум милиони долари за претседателската кампања во 2024 година

Претседателската кампања на поранешниот американски претседател Доналд Трамп соопшти дека тој собрал седум милиони долари откако беше обвинет минатата недела.

„Претседателот Трамп собра повеќе од 6,6 милиони долари откако „полудениот“ Џек Смит објави политичко гонење“, напиша кампањата на Трамп во е-порака до поддржувачите, мислејќи на американскиот адвокат кој го истражува случајот.

Повеќе од 4,5 милиони долари дојдоа од дигитално собирање средства, додека 2,1 милиони долари беа собрани од настан за собирање средства во вторникот во клубот Бедминстер на Трамп во Њу Џерси.

Портпаролот на Трамп, кој е фаворит за републиканската претседателска номинација во 2024 година, подоцна изјави  дека собраните средства надминале 7 милиони долари од објавувањето на обвинението во четвртокот.

Трамп е обвинет за незаконско задржување доверливи владини документи откако ја напушти Белата куќа и за заговор и попречување на федералната истрага за тоа прашање. Трамп во вторникот пред судот се изјасни за невин по обвиненијата.

Share on Facebook

Tweet

Follow us

Save