INFOMAX.MK

Најдобрата македонска судијка, Ива Пројковска, ќе стане дел од историја во домашната Прва лига, бидејќи ќе стане првата жена, која е главен судија на натпревар од македонското првенство.

Пројковска ќе ја дели правдата на средбата во Тетово, меѓу Шкендија и Победа, а Гоце Перески и Дејан Костадинов ќе ѝ бидат помошници.

Пројковска стана првата македонска судијка со амблемот на ФИФА, веќе суди натпревари во женската Лига на шампионите и тоа го има добиено товарот на одговорноста во елиминациската фаза (четврт-финале меѓу Арсенал и Волфсбург), а беше четврта судијка на неколку натпревари од Европското првенство за жени, минатото лето.

Мечот во Тетово ќе се одигра в недела, како и повеќето други од претстојново 25. коло. Дуелот меѓу Струга и Академија Пандев ќе го суди Јосип Бартон, Стојанче Стојанов ќе биде арбитар меѓу Шкупи и Скопје, а во Штип, Александар Грујоски ќе биде во центарот меѓу Брегалница и Тиквеш. На единствениот саботен дуел, меѓу Работнички и Македонија ЃП, правдата ќе ја дели Александар Ставрев.

Извор: sport1.mk