„Исфрлете го Халанд од Премиер лигата, тој е – робот!”

Навивачи на повеќе премиерлигашки клубови почнаа петиција со која бараат напаѓачот на Манчестер Сити, Ерлинг Халанд, да биде исфрлен од англиската елита бидејќи бил – робот.

Ова, секако, е небулозно тврдење на противниците на „граѓаните“, со оглед што Норвежанецот досега се покажа како гол-машина со оглед што досега постигна 19 голови на 12 меча во сите натпреварувања. Но и покрај тоа, петицијата досега е потпишана од дури 400.000 фудбалски фанови, а се очекува наскоро да ја мине и милионската граница.

Според тајмингот на објавувањето на петицијата, се шпекулира дека таа е дело на навивачи на Манчестер Јунајтед, чии фудбалери беа прегазени во неодамнешното градски дерби со Сити (3-6), во кое Халанд постигна три голови.

извор: sport1.mk

Share on Facebook

Tweet

Follow us

Save