Италијанецот Музети го елиминираше Ѓоковиќ во осминафиналето на Мастерсот во Монте Карло

Најдобриот тенисер на планетата Новак Ѓоковиќ е елиминиран во осминафиналето на Мастерсот во Монте Карло, откако по голема борба и едночасовна пауза поради дожд беше поразен од Италијанецот Лоренцо Музети со 1:2 ( 6:4, 5:7, 4:6) во меч кој траеше два часа и 56 минути, а го одбележаа лоши сервиси на двајцата играчи, но и неоправдани свирежи од публиката до Србинот.

Ѓоковиќ подобро го отвори натпреварот и стигна до брејк веќе во четвртиот гем, но веднаш потоа Италијанецот возврати со риб-брејк. Сепак, во следниот гем Србинот повторно направи брејк и при водство од 5:3 имаше две сет топки на сервис на Музети, но не ги искористи.
Во петок, Музети во четвртфиналето ќе игра против сонародникот Јаник Синер.

Share on Facebook

Tweet

Follow us

Save