Итна состојба низ цела Хрватска: Од утре се очекува пеколна комбинација – најавени се бури и топлотен бран

Како што пишува хрватски „Јутарњи лист“, во регионот Осиек е на сила жолто предупредување за грмотевици. Од пладне, на места се можни обилни врнежи од дожд придружени со грмотевици, особено на север и исток од регионот.

Жолто предупредување за грмотевици сега е издадено за регионот Загреб, кој претходно не беше опфатен со метеоролошката тревога. Во текот на попладнето, можни се обилни врнежи од дожд со грмотевици, првенствено по границата со Словенија и Унгарија.

Портокалово предупредување е на сила во регионот Риека поради топлотен бран и многу високи температури. Исто така, можни се обилни врнежи од дожд и грмотевици во текот на попладнето, особено во регионот Истра. Портокаловото предупредување за топлотен бран останува на сила во вторник.

Жолто предупредување беше издадено за регионот Сплит во понеделник поради многу високи температури, додека во вторник предупредувањето ќе биде зголемено на портокалово поради топлотен бран.

Жолто предупредување за топлотен бран е на сила во регионот на Дубровник и за понеделник и за вторник.

Share on Facebook

Tweet

Follow us

Save