INFOMAX.MK

Заменик-претседателот на Движењето Беса, Аријанит Хоџа, на денешната прес-конференција рече дека овој политички субјект во случај на отворање на Уставот ќе инсистира дефиницијата за Албанците како 20 отсто да се тргне од Уставот, пренесува ТВ21. Хоџа рече дека ова е погрдно.

„Тоа е деградирачка форма на претставување со процент на Албанци во Уставот, апсолутно дека при секое отворање на Уставот ќе го покренуваме ова прашање и ќе се обидеме да го елиминираме. Но, нормално Уставот бара 80 гласа за што е потребен поширок консензус. “, рече меѓу другото Хоџа.

Запрашан дали се подготвени да разговараат со ВМРО-ДПМНЕ за да обезбедат 80 гласа за уставни измени, Хоџа рече дека се подготвени да изнесат аргументи пред сите политички субјекти во државата.

„Подготвени сме да седнеме со сите да ги изнесеме нашите аргументи, верувам дека тоа е ставот на другите опозициски политички партии и мислам дека ќе се најде подготвеност, бидејќи толку многу беше апсорбирана како тема и мислам дека не Повлекувањето на 20 отсто како законски термин ќе го зголеми кредибилитетот меѓу заедниците, рече меѓу другото Хоџа.