И денес гори депонијата во Делчево, активен е и пожарот над Селце
![t](https://infomax.mk/wp-content/uploads/2022/04/deponija-delcevo7.jpg)
Регионалниот ЦУК Штип информира дека ЈКП „Брегалница“ од Делчево известило дека пожарот на градската депонија што започна на ден 14.07. 2024 година е се уште активен, односно дека тлее – гори во внатрешноста на депонијата. Во текот на вчерашниот ден 5 вработени од ЈКП, со 2 машини и 1 камион вршеа затрупување на истата. На теренот има стражарска служба на ЈКП (Општина .Делчево).
Пожарот кој избувна над село Селце и Драгоево е активен на два крака. На потегот помегу село Селце и село Пухче и на граница со приватното ловиште пожарот е активен. На Во гаснење на пожарот денес интервеираа ТППЕ Штип со 22 пожарникари со 3 ПП возила, екипа од ТППЕ Кочани со 2 пожарникара и 1 ПП возило, 24 припадници на Армијата, 10 членови на ловно друштво „Лисец“ Штип со 2 возила, 6 градежни машини, „Оф роад“ друштво „Астибо Штип“ со 3 возила и 9 членови, 6 од месното население, 2 вработени во ЈПНШ ШС Серта Штип, 1 претставни код ЦУК со 1 теренско возило, екипа од ИМП Штип и екипа од ЦКРСМ Штип. Правени се пресеци со градежните машини, сечени се дрвја што се надвиснуваат и можат да го пренесат пожарот понатаму и е вршено активно гасење на пожарот на пристапен терен. Вчера од утрово на пожарот е интервенирано од воздух со 3 хеликоптери во времетраење од 6 часа поради непристапноста на теренот за да влезат пожарникари. На потегот над село Драгоево исто така забележано е големо димење и е пратена екипа на ТППЕ Штип од 3 пожарникари и 10 војници на АРСМ за да провери и доколку треба да интервенира. На терен преку ноќта останаа жители од селата Селце и Пухче и екипа од ловно друштво со 1 теренско возило. Пожарот е се уште активен.
ПОВРЗАНИ ВЕСТИ
Вчера имало 41 пожар: Уште гори на…
ЦУК: Вчера, вторник, 06.08.2024 година на територија…
(Видео) Полицискиот хеликоптер фрли над 45 тони…
Денеска (06.08.2024) полициски хеликоптер учествуваше во гасење…
16 пожари во Македонија, само 6 се…
До 13 часот денеска, евидентирани се вкупно…
(Видео) Ангелов: Нема населени места загрозени од…
Нема потреба од паника и од вознемиреност…
Ангелов подели признанија и плакети на дел…
Директорот на Центарот за управување со кризи…