И дрогата не е тоа што беше: Падна производството на афион во Авганистан!

Во извештајот на Обединетите нации се вели дека производството на афион на опиум во Авганистан е значително намалено откако талибанските власти го забранија одгледувањето на наркотикот минатата година.
Во претходните години, Авганистан беше најголемиот снабдувач на афион во светот, но оваа година одгледувањето падна на само 10.800 хектари, што е намалување за 95% од претходната година.

Канцеларијата на ОН за дрога и криминал (UNODC) објави дека падот на производството на афион извршил голем притисок врз земјоделците во Авганистан, кои во голема мера се зависни од ова производство. Во извештајот се наведува и дека вредноста на извозот на афион во минатото била поголема од вредноста на сите формално извезени стоки, што укажува на важноста на овој сектор во економијата на земјата.

Остриот пад на производството на афион може да има сериозни последици за авганистанската економија, со оглед на тоа што на мнозинството од населението во земјата му е потребна хуманитарна помош.

Share on Facebook

Tweet

Follow us

Save