Кадиров до Израелците: Размислете пред да ја направите најфаталната грешка во историјата

Ченченскиот лидер Рамзан Кадиров го повика Израел да ја запре ескалацијата на конфликтот со Палестина и да размисли двапати пред да ги испровоцира муслиманите ширум светот да се одмаздат.

„Ако израелскиот режим мисли дека Палестина е сама и дека можат да прават што сакаат со неа, тие се во сериозна грешка“, рече Кадиров во објавата на неговиот канал Телеграм.

„Не ги провоцирајте луѓето. Немојте да се потсмевате и да ги поттикнувате муслиманите ширум светот да се одмаздат. Тоа ќе ве чини илјада пати повеќе од потенцијалната добивка на која се надевавте. Размислете пред да направите една од најголемите и најфатални грешки во вашата историја“, додаде тој, пренесува руската државна новинска агенција ТАСС.

Според него, Израел си дозволува премногу и „се заканува да избрише цел народ од мапата“. Претходно, чеченскиот лидер му замери на Западот за двојни стандарди во арапско-израелскиот конфликт.

Тој смета дека ситуацијата на Блискиот Исток би била поинаква доколку другите шефови на држави, по примерот на рускиот претседател Владимир Путин, ја почитуваат религијата и ја штитат од напади. Тој е убеден дека тогаш конфликтот би бил избегнат.

Извор: Индекс.хр

Share on Facebook

Tweet

Follow us

Save