Какаото поскапo и од бакарот, се продава за повеќе од 9.000 долари
Какаото на њујоршката берза за еден ден поскапе за повеќе од 700 долари за тон и неговата цена надмина 9.000 долари за тон, па поскапе од бакарот.
Како што пренесува Блумберг, фјучерсите на какаото во Њујорк дополнително се зголемија по веста за финансиски проблеми во Гана, вториот најголем светски производител на споменатата суровина.
Какаото само овој месец поскапе за околу 60 отсто, а цените годинава се зголемени повеќе од двојно поради лошите временски услови и болестите на земјоделските култури.
Трговците се загрижени за последиците од климатскиот феномен Ел Нињо, кој предизвикува суши во Западна Африка, област каде што се произведуваат 75 отсто од оваа суровина, клучна за производство на чоколадо.
Какаото се произведува првенствено во Гана и Брегот на Слоновата Коска.
Велигденските чоколадни јајца веќе поскапеа поради повисоките трошоци за какао, а некои производители ја намалуваат големината на слатките или промовираат задоволства со други состојки за да го ублажат поскапувањето, пренесува Yahoo Finance.
ПОВРЗАНИ ВЕСТИ
Уапсен 65-годишен маж на аеродромот во Атина…
65-годишен маж е уапсен во саботата на…
Невреме ја погоди Далмација: Ветерот кревал соблекувални…
Силно невреме проследено со поројни дождови, град…
Милиони домаќинства во Германија ќе плаќаат поскапо…
Милиони домаќинства во Германија ќе плаќаат поскапа…
Посетата на Еди Рама носи посебен сообраќаен…
Поради официјалната посета на албанскиот премиер Еди…
Полицијата го приведе 87-годишниот скопјанец кој возеше…
Полициски службеници од Полициската станица Карпош при…